Gretsiiada koronavirýsty juqtyrýdan antirekord ornatyldy, dep habarlaidy QazAqparat Covid-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
«Bir táýlikte 7 335 adamnan virýs anyqtalǵan. Bul pandemiia bastalǵannan bergi eń joǵarǵy kórsetkish, - dep málimdedi Ulttyq densaýlyq saqtaý uiymy.
Koronavirýs infektsiiasynyń rastalǵan faktileriniń ósýi osy aidyń basynan baiqala bastady. 1 qarashada 5 424 jaǵdai anyqtaldy, al bir kún buryn 2 722 derek esepke alyndy. Budan keiin kúnine 6,8 myń infektsiiaǵa deiin tirkele bastady. Al jaqyn aradaǵy 7 saǵat ishinde 24 myńnan astam naýqas infektsiia juqtyrdy.
Belgili ǵalym vaktsinatsiialanǵan adamdardyń eń úlken qateligin atady. DDU sarapshysy, professor Santiago Mas-Koma álemde COVID-19 taralý qarqynynyń ósýi vaktsinatsiia alǵan azamattar jaýapkershiliginiń álsireýimen bailanysty dep málimdedi.
Vaktsinatsiialanǵandar sanitarlyq qaýipsizdik talaptaryn saqtamaidy, betperde kimeidi. Degenmen, qys mezgilinde adamdardyń kópshiligi jabyq úi-jailarda bolatynyna bailanysty aýrýdyń taraý qarqyny údeýi múmkin.
«Eger adamdar bul pandemiia aiaqtalmaǵanyn jáne infektsiiany boldyrmaý úshin jeke saqtyq sharalaryn saqtaý qajet ekenin túsinbese, virýs juqtyrýshylar sany arta beredi», - dep eskertti Mas-Koma.
