Ánshi Altynai Jorabaevanyń qyzyna daiyndalǵan jasaý áleýmettik jelide qyzý talqylanyp jatyr, dep habarlaidy ult.kz.
Jelide taraǵan aqparatqa sáikes, jas jubailarǵa berilgen dúnie-múliktiń jalpy quny shamamen 100 million teńge bolǵan. Ánshiniń qurbysy jariialaǵan videoda uzatylǵan qyzǵa arnalǵan jasaýdyń kólemi kórsetilgen.
Onyń aitýynsha, kúieý jigitke ákesi 200 sharshy metrlik páter syilaǵan. Jańa baspana kilem, jihaz, ydys-aiaq jáne basqa da turmystyq qajetti zattarmen tolyq jabdyqtalǵan.
Alaida videoda kórsetilgen dúnieler jasaýdyń az ǵana bóligi ekeni aityldy. Ánshiniń qurbysynyń sózinshe, qazir jas jubailarǵa jasaýdyń shamamen 10 paiyzy ǵana jetkizilgen. Qalǵan zattar keiin aparylmaq.
«Altynai Jorabaevanyń qyzynyń jasaýyna shamamen 100 million teńge ketti. Jigitke ákesi 200 sharshy metrlik páter syilady. Páterdiń ishin kilem, jihaz, ydys-aiaqpen tolyq jabdyqtady. Biz qazir jasaýdyń 10 paiyzyn ǵana alyp keldik», – dedi ol.
Jariialanǵan video áleýmettik jeli qoldanýshylarynyń nazaryn aýdaryp, qyz jasaýyna jumsalǵan qarjy men onyń kólemine qatysty túrli pikirler aityldy.
Aita keteiik, 100 million teńge degen soma ázirge resmi túrde rastalǵan joq. Bul aqparat áleýmettik jelide taraǵan video men ánshiniń qurbysynyń sózine negizdelgen.
