Ánshi Jony Shymkentte kontsertiniń toqtatylǵanyna ashýlandy

Ánshi Jony Shymkentte kontsertiniń toqtatylǵanyna ashýlandy


Shymkentte reseilik tanymal ánshi Jony-diń kontserti toqtatyldy, - dep habarlaidy Tengrinews.kz.

Ánshiniń ózi bul sheshimge ashýlanyp, qala biligi jankúierlerge sebebin aitýǵa da ruqsat bermegenin aitty.

"Zańǵa qarsy júre almaimyz. Qala biligi aldyn ala kelisilgen kontsertti toqtatyp qana qoimai, sahnaǵa shyǵyp, bul týraly jurtshylyqqa aitýǵa da múmkindik bermedi. Olar aqshasyn jumsap, kontserke keldi jáne ne úshin bolmai qalǵanyn bilýge quqyly. "Shyǵyp túsindirińiz" deýdiń ornyna "taǵy da sahynaǵa shyqsańyz, sizdi qamaýǵa alamyz" dedi. Men siiaqty qylmysker joq, qala tynysh dep úmittenemin. Aitpaqshy bul zań keshe qabyldanǵan, erteń onyń kúshi joiylady. Qyzyqty kezdeisoqtyq", - dep jazdy Jony Instagram jelisinde.

Shymkent qalasynyń ákimdigi sanitarlyq qaýipsizdik sharalary saqtalmaǵandyqtan kontsert toqtatylǵanyn habarlady. Ákimdik ókiliniń aitýynsha, zal lyq toly bolǵan, kórermender araqashyqtyqty saqtamaǵan jáne betperdesiz júrgen.

Ánshi - Jony Ázirbaijannyń týmasy. Ol tanymal ánderge kaver jazyp, olardy paraqshasyna ornalastyra bastaǵannan keiin, kóp uzamai tanyldy.