Ýkrainalyq ánshi Anna Sedokovanyń Aqtaýdaǵy kontserti jeli qoldanýshylarynyń ashýyna tidi. Ákimdik shara qoldaný úshin qalalyq Taýarlar men kórsetiletin qyzmetterdiń sapasy men qaýipsizdigin baqylaý basqarmasyna hat joldaǵanyn málim etti, - dep habarlaidy Tengrinews.kz tilshisi "Ladaǵa" silteme jasap.
"Kontsertti uiymdastyrýshyǵa aiyppul salynatyn shyǵar", - dedi qala ákimdigindegiler.
Jergilikti basylymnyń málimetinshe, ótken demalysta Rixos Water World Aktau-da ýkrainalyq ánshi Anna Sedokovanyń kontserti ótken. Qonaqúide osy aida juldyzdar qatysatyn taǵy eki is-shara josparlanǵan. Buǵan deiin Mańǵystaý oblysy ákiminiń orynbasary Gúlmira Qalmuratova besjuldyzdy qonaqúi aýmaǵyndaǵy barlyq kontsert 31 shildeden bastap toqtatylatynyn habarlaǵan bolatyn. Rixos Water World Aktau bas menedjeri Serik Isaǵaliev epidemiologiialyq jaǵdai qalypqa kelgenshe qonaqúi aýmaǵynda ótetin kontsertterdi toqtatý boiynsha jumys júrgiziletinin aitqan.
Aita keteiik, biyl sáýirde qonaqúi karantin kezinde qazaqstandyq "Irina Kairatovna" tobynyń kontsertin uiymdastyrǵany úshin aiyppul arqalaǵan. Qonaqúi iesine 800 AEK (2,3 million teńge) kóleminde aiyppul salynǵan edi.
