Oralda 52 jastaǵy er adam kámeletke tolmaǵan qyzdy zorlady degen kúdikke ilindi. Jábirlenýshi ógei ákesi tórt jyl boiy azǵyndyq áreket jasap kelgenin málimdedi, dep jazdy Sputnik Qazaqstan saity "Ýralskaia nedelia" basylymyna silteme jasap.
Qazir qyz 17 jasta. Ol ógei ákesi 13 jasynan bastap zorlaǵanyn málimdedi. Onyń aitýynsha, anasy jumystan kesh kelip júrgen. Kámeletke tolmaǵan qyz ógei ákesine qarsylyq kórsetýge tyrysqan, ár joly denesi kógerip qalsa da, eshkim mán bermegen.
4 jyl boiy kómek suraǵan
Tórt jyl boiy qyz anasynan, psihologtar men mekteptegi, sodan keiin kolledjdegi muǵalimderden kómek suraǵan. Biraq oǵan senbepti, "qiialdan" bas tartýdy talap etken, tipti ózin-ózi óltirýge áreket jasaǵany úshin psihiatriialyq aýrýhanaǵa jatqyzyp qoiǵan.
Qyz kezekti ret zorlyq-zombylyq týraly habarlaǵan kezde, anasy men ógei ákesi kolledjge shaqyrylǵan. Sol kezde jábirlenýshi zorlyqty rastaityn aýdiojazbany qosqan.
"Olardyń barlyǵy eseńgirep qaldy. Ógei ákemnen "bul seniń daýysyń ba?" dep surady. Ol "iá" dep moiyndady. Mas bolǵanyn aitty. Sodan keiin ony politsiiaǵa jetkizdi, úige qaityp kelmedi", - dep atap ótti boijetken.
Politsiianyń habarlaýynsha, 52 jastaǵy kúdikti ótken jumada ustalǵan. Saraptama taǵaiyndalyp, tergeý júrgizilip jatyr.
