AQSh azamattary asyrap alǵan qazaq balasy áleýmettik jeliler arqyly Óskemen qalasyndaǵy týǵan-týystaryna izdeý salǵan bolatyn. Aty-jónin qazaq tilinde jazyp, bala kezindegi fotosýretterdi jariialaǵan Teodor Ýoltonnyń týǵan aǵasy tabyldy, dep habarlaidy "Ult aqparat".
2001 jyly Qazaqstanda dúniege kelgen Teodordy 1 jasqa tolǵanda amerikalyqtar asyryp alǵan. Degenmen ógei ata-anasy onyń ulty kim ekenin, týǵan jeri qaida ekenin esh jasyrmaǵan. Búginde onyń jasy 20-ǵa jetken. Jýyrda Teodar Facebook-paraqshasynda óziniń Marat Toqtaruly Orazǵaliev ekenin jazyp, bala kúninde aǵasymen jáne apaiymen túsken fotosýretterdi jariialaǵan.
Araǵa 2 kún salyp onyń týǵan aǵasy tabylyp otyr. ShQO Bilim basqarmasynyń Qorǵanshylyq, qamqorshylyq jáne internat uiymdary bóliminiń mamandary izdestirý jumystaryn júrgizip, aǵaiyndylardy bir-birimen bailanystyrdy.
Anyqtalǵandai, Teodordyń aǵasy Kúrshim aýdanynda turady. 22 jastaǵy Rústem Orazǵaliev baýyry tabylǵanyna áýel basta sene almaǵan.
«AQSh jigiti qazaqstandyq baýyryn izdep jatyr» degen jazbadaǵy fotoda turǵan menmin, janymdaǵy nemere ápkem. Týǵan inim bar ekenin, ony amerikalyqtar asyrap alǵanyn 7-8 synyptarda estip bildim. Biraq maǵan AQSh-tan baýyrymdy tabý bos qiial bolyp kóringeni ras. Sóitsem, ómirde bári bolady eken ǵoi», - deidi Rústem.
Aǵasy men baýyry ǵalamtor arqyly sóilesýde. Bir-birine qoiar suraqtary kóp. Endi karantin aiaqtalǵan soń Teodor týǵan jerine qustai ushyp jetpek.
