Foto: liter.kz
«AMANAT»-tyń atynan depýtattyqqa kandidattar jáne partiia belsendileri sý basqan úilerdiń turǵyndarymen kezdesip, gýmanitarlyq kómek kórsetý úshin Batys Qazaqstan jáne Aqtóbe oblystaryna bardy. Bul týraly partiianyń Atqarýshy hatshysy Elnur Beisenbaev Facebook paraqshasynda málimdedi.
«Ótken aptada partiianyń respýblikalyq shtabynyń músheleri úgit-nasihat naýqany kezinde osy oblystarǵa baryp, óńirdegi sý tasqynynyń saldaryn óz kózimen kórdi. «AMANAT» bul jaǵdaidy únemi baqylaýda ustady. Sondyqtan daýys berý aiaqtala salysymen, partiialyqtar osy aimaqtarǵa qaita jol tartty. Amanattyqtar infraqurylym nysandary men joldardyń jai-kúiin tekseredi. Olar zardap shekkenderdiń barlyǵy keltirilgen zalal úshin ótemaqy alyp, aimaqtaǵy jaǵdaidy qalpyna keltirý úshin qajetti kómek týraly aqparat jinaidy», – delingen habarlamada.
Elnur Beisenbaev partiia baǵdarlamasynda elimizdegi infraqurylymdy jańǵyrtý, qala men aýyl turǵyndaryn maýsymdyq sý tasqynynan qorǵap, gidrotehnikalyq qurylystar júiesinde tártip ornatý kózdelgenin atap ótti.
«Partiia óziniń sailaýaldy baǵdarlamasyn iske asyrýǵa kirisip ketti jáne búginde asa ózekti bolyp otyrǵan máseleni tikelei tótenshe jaǵdai oryn alǵan aimaqqa baryp sheshpek. Halyqty tolǵandyratyn máselelerdi sheshý – «AMANAT» partiiasynyń birinshi kezektegi mindeti. Biz árdaiym halyqpen birgemiz!» – dep atap ótti partiianyń Atqarýshy hatshysy.
