Foto: «AMANAT» partiiasynyń baspasóz qyzmeti
«AMANAT» partiiasynyń Qoǵamdyq qabyldaý bólmelerinde partiianyń sailaýaldy baǵdarlamasyna halyqtyń usynystary men tilekterin jinaý jalǵasýda.
Almatyda búgingi tańda qala turǵyndarynan 50-ge jýyq usynys-tilekter kelip tústi. Olardyń barlyǵy sailaýaldy baǵdarlamany ázirleý kezinde eskeriledi.
Almatylyqtardy qoǵamdyq kólik máselesin jolǵa qoiý, ekologiialyq jaǵdaidy jaqsartý, qurylystyń tym tyǵyz júrgizilýi siiaqty máseleler tolǵandyrady. Sonymen qatar, zeinet jasyn tómendetý, azyq-túlik baǵasyn baqylaý jáne keibir dári-dármekterdi tegin berý boiynsha usynystar jinaldy.
Partiianyń Aqtóbe oblysyndaǵy filialynyń qoǵamdyq qabyldaý bólmesine sailaýshylardan 97 tilek tústi. Óńir turǵyndary jastardy turǵyn úimen qamtamasyz etýdi jáne áleýmettik saladaǵy qyzmetterdiń sapasyn arttyrýdy suraidy.
Sonymen qatar, partiialyqtar usynystardy proaktivti formatta jinap jatyr. Petropavlda partiia músheleri arnaiy «Dariia» bazaryna baryp, azamattardyń talap-tilekterin qabyldady. Munda shaǵyn biznesti damytý, jalaqy deńgeii siiaqty jáne taǵy da basqa túiindi máseleler qozǵaldy.
Túrkistan oblysynda da partiialyqtar turǵyndardyń usynystary men tilekterin jinap jatyr. Jalpy, óńir boiynsha 168 talap-tilek kelip tústi, olardyń basym bóligi áleýmettik salaǵa, jumyspen qamtý, densaýlyq saqtaý máselelerine qatysty boldy. Túrkistan qalasyndaǵy «Qýanysh» ortalyq bazarynda turǵyndarmen kezdesý ótkizildi.
Aita ketý kerek, zańnamaǵa sáikes qazirgi tańda partiianyń Qoǵamdyq qabyldaý bólmeleri azamattardan usynystar men tilekterdi jinaý men taldaýdy ǵana júrgizedi, ózge qyzmetter toqtatyldy.
