Aljirdegi orman órtiniń saldarynan qaza tapqan adamdardyń sany 65-ke jetti. Bul týraly Al Jazeera habarlady.
Telearnanyń derekterine qaraǵanda, tabiǵi apattan 37 adam jáne órtti sóndirýmen jáne izdestirý-qutqarý operatsiialaryn júrgizýmen ainalysqan Aljir armiiasynyń 28 áskeri qyzmetkeri qaza tapqan. Al seisenbi kúni Afrigatenews jańalyqtar portaly 25 áskeri qyzmetkerdiń qaitys bolǵany týraly habarlaǵan edi.
Aljirdiń Ulttyq telehabar taratý qyzmetiniń aqparatynsha, orman órtteri eldiń birneshe provintsiialarynda órship tur. Olar: Djidjel, Setif, Bedjaiia, Annaba, Tebessa, Blida, Býira, Býmerdes, Gelma jáne Henshela. Óńirlik biliktiń boljamynsha, órt ystyq aýa temperatýrasynyń saldarynan tutanǵan, alaida keibirinde qoldan ot qoiǵan bolýy múmkin. Tilsiz jaýdy aýyzdyqtaýǵa Aljir áskerileri kómek kórsetýde.
