Aljirdegi orman alqabynda iri órt bastaldy, dep habarlaidy "Ult aqparat" Reuters agenttigine silteme jasap.
Aljir Azamattyq qorǵanys basqarmasynyń sońǵy málimetine sáikes, dala órtiniń taralýy saldarynan tórt adam qaza taýyp, úsheýi jaralanǵan. Órttiń shyǵýyna eldegi uzaqqa sozylǵan aptap ystyq pen qurǵaqshylyq sebep boldy. Keibir aimaqtarda aýa temperatýrasy Tselsii boiynsha 46 gradýsqa deiin jetedi, sonymen qatar elde sý tapshylyǵymen kúresýde.
Qazirgi ýaqytta órt sóndirýshiler tikushaqtarmen Aljir astanasynan shyǵysqa qarai 150 shaqyrym jerde ornalasqan Tizi-Ýzýzý provintsiiasynda órttiń taralýyn boldyrmaýǵa tyrysýda.
Eldiń 14 provintsiiasynda keminde 19 órt boldy.
Surapyl jalyn úilerdi jalmap jatyr, sondyqtan turǵyndardy shuǵyl túrde evakýatsiialaýǵa týra keldi. Jergilikti halyq órtti sóndirý úshin jumys istep jatqan azamattyq qorǵanys toptaryna erikti túrde kómek kórsetýde.
