Aljir, Grekiia, Italiia jáne Chernogoriia orman órtimen arpalysýda. Jalyn IýNESKO-nyń Dúniejúzilik murasy tizimindegi parkterge qaýip tóndirip tur. Bul týraly Euronews agenttigi habarlady.
Aljir eliniń soltústigindegi Tizi-Ýzý jáne Bedjaia provintsiialarynda tabiǵi apat kem degende 69 adamnyń ómirin qiyp ketti, sonyń ishinde 28-i – áskeriler. Beisenbi kúni elde aza tutý jariialandy.
Orman órti Italiiada da órship tur. Keshe munda Eýropa úshin rekordtyq temperatýra – Tselsii boiynsha 48,8 gradýs tirkelgen. Ásirese Kalabriia aimaǵy men Sitsiliia aralyndaǵy jaǵdai kúrdeli, ondaǵy Etna janartaýynyń bókterinde jáne Palermoǵa jaqyn ornalasqan Madonie taýlaryndaǵy aǵashtar otqa oranýda.
Tehnik mamandar Grekiianyń Evbeia aralynda elektr tasymaldaý jelilerin qalpyna keltirip jatyr. Aimaqta kóptegen jalyn oshaqtary sóndirildi, alaida araldyń soltústik bóligi áli de jaryqsyz otyr. Mundaǵy alyp qaraǵailardan túk qalmady, záitún, injir jáne júzim plantatsiialary joiylǵan.
Al Chernogoriiada orman órti IýNESKO-nyń Dúniejúzilik murasy tizimine kirip otyrǵan Dýrmitor ulttyq saiabaǵyna deiin jetti. Jalyn Tara ózeni janyndaǵy shatqalda jyldam taralyp keledi.
