Almatydaǵy «Altyn orda» bazary mańynda jol men kópir salynyp jatyr. Onyń qurylysy jyl sońyna deiin aiaqtalyp, paidalanýǵa beriledi, dep habarlaidy QazAqparat.
«QazAvtoJol» ulttyq kompaniiasy AQ «Ortalyq-Ońtústik» baǵytyndaǵy Nur-Sultan – Qaraǵandy – Balqash - Priozersk – Býrylbaital - Shý – Almaty aimaqtaryndaǵy joldardyń salyný barysyn tanystyryp, kórsetý maqsatynda baspasóz týryn uiymdastyrdy.
Sonyń barysynda Almaty qalasyndaǵy «Altyn orda» bazary mańynda kópir jol qurylysynyń jumysy tanystyryldy.
«Altyn orda» bazary mańyndaǵy jolaiyryqta qazirgi ýaqytta beton-tsementteý jumystary júrip jatyr. Bul joldyń almatylyqtar úshin mańyzy zor, óitkeni bul jol qaladaǵy birneshe iri saýda ortalyqtaryna alyp barady. Jańa josparǵa sáikes bul jol jolaǵy 8-den 10-ǵa artady. Jáne bastysy qaýipsizdikke asa mán beriledi. Sebebi bul jolaiyryq toǵyz joldyń toraby, sondyqtan jol-kólik oqiǵasy jáne keptelis máselesi bar. Osy oraida salynyp jatqan jańa avtomobil joly boiynda qosymsha jol júrý erejeleri engiziletin bolady. Estakadanyń uzyndyǵy 600 metrdi quraidy. Qurylys josparyna sáikes, jyldyń sońyna deiin paidalanýǵa beriledi» - dedi «QazAvtoJol» ulttyq kompaniiasy AQ Almaty oblystyq filialynyń direktorynyń mindetin atqarýshy Bolatbek Aitbaev.
Onyń aitýynsha, ótken jyly pandemiiaǵa bailanysty qurylys jumysy toqtap turdy.
«Estakada qurylysyn biyl mamyr aiynda bastadyq. Avtomobil joly 2 kópirden jáne 4 jolaqtan turady. Jol salýmen 250 adam ainalysyp jatyr, degenmen jumys komandasy áli de jasaqtalý ústinde. Kólik jolynyń uzyndyǵy 4 shaqyrymǵa jýyqty qurasa, kópirdegi joldyń uzyndyǵy 600 metrdi quraidy. Bul avtokólik joly Almatynyń batys aýmaǵynda ornalasqan iaǵni qalany Shymkent qalasymen jáne Ózbekstan shekarasymen bailanystyratyn bolady», - dedi atalǵan jobanyń jetekshisi Smet Abilov.
