Almaty qalasyndaǵy «Altyn Orda» bazary aýdanyndaǵy avtojol ýchaskesin rekonstrýktsiialaý qazanda aiaqtalady. Bul týraly QR Indýstriia jáne infraqurylymdyq damý vitse-ministri Berik Kamaliev aitty, dep habarlaidy QazAqparat.
«Almaty qalasyndaǵy «Altyn Orda» bazary aýdanyndaǵy avtojol ýchaskesi alyp megapolistiń barlyq turǵyndaryn tolǵandyrady. Respýblika Premer-Ministriniń tapsyrmasyna sáikes, qazan aiynda osy kólik jol aiyryǵyndaǵy jumystar tolyǵymen aiaqtalady», - dedi Berik Kamaliev Ortalyq kommýnikatsiialar qyzmetindegi baspasóz máslihaty barysynda.
Ministrlik málimetinshe, búgingi tańda atalǵan ýchaskede barlyq negizgi jumys aiaqtalǵan. Tranzittik kóliktiń ótýi úshin estakadanyń qurylysy jedel qarqynmen júrgizilip jatyr.
