Aýla klýbtarynyń jelisin keńeitemiz. Qazir qalada 32 aýla klýby bar, bul shamamen 3 myńnan astam balany qamtýǵa múmkindik beredi. Bul týraly Nur-Sultan qalasynyń ákimi Altai Kólginov Instagram paraqshasynda málim etti.
«Oqýshylar jazǵy demalysqa shyqty. Baǵa jetpes ýaqytty paidaly ótkizý mańyzdy. Bilim alýmen qatar, demalý, súiikti ispen ainalysý, qurdastaryńyzben sóilesý jáne t.b. densaýlyqqa paidaly.
Pandemiia densaýlyqty saqtaýdyń qanshalyqty mańyzdy ekenin kórsetti. Sport qoljetimdi bolýy úshin biyl aýlalardy, saiabaqtardy, skverlerdi, býlvarlardy abattandyrý boiynsha aýqymdy jumystardy jalǵastyrýdamyz. Abattandyrý kezinde alańdardyń kópfýnktsionaldy bolýyna basa nazar aýdaramyz: iaǵni aýlada balalar fýtbol/basketbol oinap, trenajerlerde sportpen shuǵyldana alady. Sonymen birge aǵa býyn úshin demalys oryndarynyń bolýy shart. Biyl qosymsha 150 aýla men 40 qoǵamdyq keńistikti (saiabaqtar, skverler, býlvarlar) abattandyramyz. Ótken jyly 76 gektardan astam aýmaq abattandyryldy.
Sondai-aq aýla klýbtarynyń jelisin keńeitemiz. Qazir qalada 32 aýla klýby bar, bul shamamen 3 myńnan astam balany qamtýǵa múmkindik beredi. Al qalanyń tórt eldi mekeninde iri dene shynyqtyrý-saýyqtyrý keshenderin salyp, sport, mádeniet nysandaryn jóndeimiz jáne ashamyz.
Balalar ózderi unatatyn, qyzyǵyp oqityn sabaqtardy tańdaý kerek. Bul sýret salý, mýzykalyq aspaptarda oinaý nemese júzý, kúres, shahmat jáne t. b. Sonda ǵana keremet nátijelerge qol jetkizip, sabaqtan lázzat alýǵa bolady!
Jazǵy demalysta fizikalyq densaýlyqtan basqa, bilimdi de jetildirý kerek. Buǵan kitap oqý arqyly qol jetkizýge bolady. Óitkeni ádebiet týyndylary jarqyn ári qyzyqty saiahatty ashyp qana qoimai, sózdik qordy tolyqtyrýǵa, saýattylyqty jaqsartýǵa múmkindik beredi.
Memleket basshysy atap ótkendei, oqýǵa degen qyzyǵýshylyq, kitap arqyly qorshaǵan álemdi taný mektep qabyrǵasynan qalyptasýy tiis, al oqýdyń joǵary mádenietin qalyptastyrý, oqý saýattylyǵyn damytý bilim berý protsesiniń basym baǵyttarynyń biri bolýy tiis.
Sondai-aq demalysta filmderdi shet tilinde kórgen paidaly. Sýbtitrler men qyzyqty siýjet arqyly jańa sózder men sóz tirkesterin úirený jáne este saqtaý ońai bolady.
Jazǵy demalys ýaqytyn densaýlyq pen bilim alý úshin paidaly ótkize otyryp, siz ár qadam saiyn óz armanyńyzǵa jaqynyraq bolasyz: oqý oryndarynda jaqsy baǵalar/kórsetkishterge qol jetkizý, súiikti mamandyq alýǵa talpyný; óz aǵzańyzdy shynyqtyrý, t. b.
Tek óz jetistigińizdiń ustasysyz! Bul sizdiń densaýlyǵyńyz qanshalyqty myqty bolatynyna jáne siz qandai bilim alatyndyǵyńyzǵa bailanysty. Al biz óz tarapymyzdan kúndelikti negizde bul úshin barlyq qajetti jaǵdailardy jasai beremiz», — dep jazdy elorda ákimi.
