Profilaktikalyq meditsina akademiiasynyń prezidenti, Amerika densaýlyq saqtaý qaýymdastyǵynyń múshesi Almaz Sharman Qazaqstanda karantindik shekteýlerdi jeńildetý múmkindigi týraly pikir bildirdi, dep habarlaidy QazAqparat.
«Karantin sharalaryn jeńildetse, vaktsinatsiia protsesi jańa, vaktsinaǵa tózimdi nusqalardyń, iaǵni juǵý qaýpi joǵary koronavirýs shtamdarynyń paida bolýyna ákelýi múmkin. Virýs tiimdi vaktsinalar paida bolǵanda selektsiialyq qysymǵa isylai ikemdeledi. Budan shyǵatyn qorytyndy, azamattardyń basym kópshiligi shamamen 80% vaktsina alǵanǵa deiin karantindik sharalardy álsiretýge bolmaidy», - deidi sarapshy.
Onyń paiymynsha, ujymdyq immýnitet qalyptaspasa, únemi jańa tolqyndarmen, jańa indettermen kúresýge májbúr bolamyz.
«Vaktsinatsiiasyz biz únemi qatań karantin jaǵdaiynda ómir súretinimizdi túsiný mańyzdy. Epidemiiaǵa qarsy sharalardyń álsireýi koronavirýsqa qarsy qajetti ekpeni alǵannan keiin ǵana qoldanylýy kerek. Biraq, ókinishke orai, Qazaqstan azamattarynyń 80% vaktsinanyń qajetti dozasyn almaǵan», - dep tolyqtyrdy Almaz Sharman.
