Almatynyń Sain kóshesindegi jyldamdyq rejimine ózgerister engizildi, dep habarlaidy QazAqparat.
Búgin saǵat 00: 00-den bastap ál-Farabi dańǵyly men Shyǵys ainalma jolynda 80 km/saǵ jyldamdyq ruqsat etildi. Tek Baǵanashyl yqshamaýdanyndaǵy Hodjanova kóshesine deiin jáne Kishi Jeltoqsan kóshesinde joǵary jyldamdyq saǵatyna 60 shaqyrym sol kúiinde qaldy. Sebebi, bul ýchaskelerde qaýipti burylystar kóp.
«Biz Sain kóshesiniń boiyndaǵy jol jaǵdaiy men apattar deńgeiine qosymsha taldaýlar júrgizdik. Nátijesinde osy kóshede ruqsat etilgen jyldamdyq shegi 80 shaqyrymǵa deiin ulǵaitylady.
«Jol qozǵalysy qaýipsizdigi» avtomattandyrylǵan aqparattyq júiesiniń kameralary tehnikalyq qaita jóndeýden ótkizilip, jumys kúniniń sońyna deiin jol belgileri aýystyrylady», - deidi Almaty qalalyq PD Ákimshilik politsiia basqarmasynyń bastyǵy Jandos Murataliev.
Sonymen birge, megapolis politsiiasy júrgizýshiler men júrginshilerge jol erejelerin saqtaý jáne qala joldaryndaǵy qaýipsizdik sharalaryn eskerý kerektigin aitty.
