El chempiony «Qairat» komandasyna nemis shabýylshysy Shtreli Mamba keldi, dep habarlaidy "Ult aqparat".
«Qairat» fýtbol klýby málim etkenindei, Sh.Mambemen eki jylǵa kelisimshartqa qol qoiylǵan.
Nemis oiynshysy 1994 jyly 17 maýsymda Gioppingende (Germaniia) dúniege kelgen. Ortalyq shabýylshy, sonymen qatar qos qanatta da oinai alady, ońqai.
Jasóspirim kezinde «Shtýtgart», «Karlsrýe», «Kaizerslaýtern» siiaqty komandalarda dop tepti.
Kásipqoi sport jolyn 2013 jyly «Hombýrg» klýbynda bastady. Sondai-aq «Gioppingen», «Griýnbah», «Fraiberg», «Zandhaýzen» jáne «Energi» (Kottbýs) komandalarynyń namysyn qorǵady.
Sońǵy komandasy – Ekinshi Býndesligada óner kórsetetin «Paderbornda» eki maýsymdy ótkizdi.
Sh.Mamba 2019-2020 jylǵy maýsymda «Paderborn» sapynda Býndesligada oinady. 24 matchta 5 gol soǵyp, 2 nátijeli pas berdi. 24 kezdesýdiń 18-inde negizgi quramda alańǵa shyqty.
Fýtbolshy Germaniianyń túrli ligalarynda 199 matchta qarsylastar qaqpasyna 65 gol soqty.
