Almatyda jol aiyryqtardyń ortasha jóndeý jumystary aiaqtaldy, dep habarlaidy "Ult aqparat".
Almatynyń Áýezov jáne Medeý aýdandarynda ornalasqan bes kólik jolairyǵynda jóndeý jumystary aiaqtaldy. Naqtyraq aitsaq, ortasha jóndeý tireý qabyrǵalaryna júrgizildi.
Bul jolairyqtar 10 jyldan astam ýaqyt jóndeý kórmegen. Keibir bólikterinde plitalar qulap, jaýyn sýy aqqan.
Sáýirdiń 13-nen 14-ne qaraǵan túni jóndeý jumystary Sain kóshesi men Abai dańǵylynyń qiylysynda bastaldy. Sodan keiin Sain jáne Jandosov, Sain jáne Shaliapin kóshelerinde, ál-Farabi dańǵyly men Nazarbaev dańǵyly, ál-Farabi dańǵyly men Dostyq dańǵylynda júrgizildi.
