Almaty qalasynyń sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin koronavirýstyń tórtinshi tolqyny kezinde halyq arasynda infektsiiany juqtyrýdyń negizgi sebepterin atady, dep habarlaidy QazAqparat.
Bul týraly ol onlain baspasóz-konferentsiiasynda málim etti.
J.Bekshinniń aitýynsha, epidemiianyń tórtinshi tolqyny kezinde halyq arasynda infektsiiasynyń juqtyrýnyń negizgi sebebi biologiialyq qaýiptiń kórinbeýi, sonyń saldarynan halyqtyń qyraǵylyǵynyń tómendeýinen boldy deýge bolady.
Iaǵni, azamattar qaýipti shyn máninde virýsty juqtyryp, aýrýhanalaryna túskende ǵana, kei jaǵdaida tipti otbasynda jaqyndarynan aiyrylǵan kezde ǵana túsindi.
Virýs juqtyrýdyń sebepteriniń taǵy biri halyqtyń tyiym salynǵanyna qaramastan qoǵamdyq tamaqtandyrý kásiporyndarynda (qala mańy aimaǵynda jáne jalǵa alynǵan kottedjderde) jappai otbasylyq is-sharalardy (toi, mereitoi jáne t. b.) uiymdastyrýymen bailanysty.
Sondai-aq azamattardyń keibir toptarynyń vaktsinatsiianyń paidasyna kúmán keltirip, qoǵamdyq oryndarda jáne qoǵamdyq kólikterde betperde rejimin saqtamaýy da qaladaǵy epidemiologiialyq jaǵdaidyń ýshyǵa túsýine túrtki boldy.
«Taǵy bir aita ketetin másele belsendiligi joǵary 20 jastan asqan jastardyń maska taǵý, araqashyqtyq siiaqty karantin talaptaryn saqtamai virýs juqtyryp, ony otbasy múshelerine juqtyrdy. Sóitip, virýsty gipertaratýshyǵa ainaldy», - dedi Bekshin.
