Almaty qutqarý qyzmetiniń basshysy Dmitrii Chýhontsev taýda joǵalǵan adamdardy izdeýde drondardyń tiimdiligi týraly aitty, dep habarlaidy "Ult aqparat".
Onyń aitýynsha, jaqynda Shymbulaq aýdanynda er adamnyń denesi dronnyń kómegimen tabylǵan.
«Jaqynda Shymbulaq aýdanynda er adamdy izdestirý kezinde osy dron qoldanylǵan. Apparat tiimdiligin kórsetti. Bolashaqta drondy paidalanatyn bolamyz. Taýda qoldanylatyn drondar óte sapaly, kásibi bolýy kerek. Aýa raiynyń qolaisyzdyǵyna qaramastan týristiń marshrýtyn taýyp qana qoimai, qutqarý toptarynyń jumysyn úilestirýi tiis», - dedi Dmitrii Chýhontsev.
Onyń aitýynsha, qazirgi tańda qutqarý qyzmet kásibi dron izdeýmen ainalysyp jatyr.
«Ótken joly tikushaq kóterile almady. Sebebi tuman boldy. Al meteoahýal qiyn bolǵan kezde tikushaq kóterile almasa, osy jerde biz drondy qoldana alamyz. Bul qural ýaqytty únemdeýge múmkindik beredi», - dedi ol.
