Almaty ákimdiginde ótken baspasóz máslihatynda ál-Farabi dańǵylynda saǵatyna 80 km jyldamdyqpen júrýge ruqsattyń nelikten qaita berilgeni túsindirildi, dep habarlaidy QazAqparat.
«Áý basta qalanyń bas jospary men jobalarǵa sáikes Shyǵys ainalma jolyndaǵy jyldamdyq saǵatyna 80 km bolady dep eseptelgen. Bul, 2008 jyly bekitilgen Qurylys normalary men erejelerine sáikes keledi. Úkimet qaýlysymen qabyldanǵan bas josparda joǵary jyldamdyqty úsh avtomobil joly aiqyndaldy: Almatynyń úlken ainalma joly, Talǵar trassasynan keletin Ortańǵy ainalma jol jáne Shyǵys ainalma jolyndaǵy Kishi ainalma jol», - dedi ákimdikte ótken brifingte Almaty Qoǵamdyq keńesiniń tóraǵasy Alshan Rahmanov.
Óz kezeginde Almaty qalasy ákimshilik politsiiasynyń bastyǵy Jandos Muratáliev aldyńǵy jyldamdyq rejimine oralý týraly sheshimdi búgin ǵana estigenin atap ótti.
Onyń aitýynsha, ál-Farabi dańǵylynyń ótkizý qabileti kúnine 100-200 myń avtomobildi quraidy. Jyldamdyqty tómendetýdiń áseri qorshaǵan ortaǵa jáne ekonomikaǵa keri áserin tigizedi.
«Qandai ýchaskelerde jyldamdyqty saǵatyna 80 shaqyrymǵa deiin tómendetýge bolatynyn jáne qai jerlerde qaldyrý kerektigin odan ári zertteitin bolamyz. Búgin sheshim qabyldandy dep estidińizder. Búgin. Durys pa? Sońǵy sheshim bolǵan joq. Tipti, jyldamdyqty saǵatyna 60 shaqyrymǵa deiin tómendetý týraly sheshim 2018 jyldyń qarashasynda qabyldansa da, ol kúshine 2019 jylǵy qańtardyń sońyna endi. Eki ai boiy biz ony zerttedik, qaradyq, sodan keiin sheshim qabyldandy», - dedi Jandos Muratáliev.
«Sheshim qabyldandy. Sizdiń basshyńyz sonda boldy. Basshylyqtyń sheshimin ózgertpeńiz. Sizde ondai ókilettikter joq... Sizge sary syzyq syzyp, sheksiz aiyppuldar salý yńǵaily», - dedi Rahman Alshanov politsiia qyzmetkeriniń sózin bólip. Ol sondai-aq sheshim qabyldanǵanyn jáne ákim tiisti buiryq bergenin atap ótti.
Eske salaiyq, aǵymdaǵy jyldyń 15 qańtarynan bastap qaladaǵy apattar sanyn azaitý, sondai-aq joldaǵy jaǵdaidy turaqtandyrý maqsatynda Shyǵys ainalma joly men ál-Farabi dańǵyly, Sain kóshesinde jyldamdyq saǵatyna 80 shaqyrymnan 60-qa tómendetilgen bolatyn.
Búginde bilik kópshiliktiń suranysyn eskere otyryp, ál-Farabi dańǵyly men Shyǵys ainalma jolynda saǵatyna 80 km jyldamdyqpen júrýge qaita ruqsat beriletinin málim etti.
