Almaty kósheleri qalyń qardyń astynda qaldy, dep habarlaidy "Ult aqparat".
24 aqpanda Almaty qalasynda saǵat 16:00-de qar aralas jaýyn jaýa bastady. Aýa temperatýrasy minýs 10 gradýsqa deiin tómendedi.
Qalaǵa 20-30 sm, taýly aimaqtarǵa 35-40 sm qar jaýdy.
Kóktaiǵaqtyń aldyn alý úshin qar jaýǵan kezden bastap joldarǵa, qiylystar men jolairyqtardyń kireberisterine, taý bókteri men taýly aimaqtarǵa kóktaiǵaqqa qarsy material sebilip, qar tazalandy.
Qar tazalaý jumysyna 560 tehnika birligi, onyń ishinde 211 qumlaqtyrǵysh jumyldyrldy.
Myńnan astam jumysker qazir kóshelerdegi qardy kúrep jatyr.
Kóktaiǵaqqa qarsy 3 540 tonna material paidalanyldy.
Túngi saǵat 03.00-den bastap qar kúreý úshin kolonnalar jol politsiiasy patrýldik mashinalarynyń erip júrýimen uiymdastyryldy. Trotýarlardy, jaiaý júrginshiler aimaqtaryn, qoǵamdyq kólik aialdamalaryn, avtoturaq qaltalaryn, ústińgi ótkelderdi jáne ortaq paidalanylatyn jerlerdi tazartý jumystary júrgizilýde.
Aýdandyq ákimdikter men qala ákimdiginde qar tazalaý jumystaryn táýlik boiy baqylaityn kezekshilik uiymdastyry.
