Almatyda esimi búgingi tarihi saiasi oqiǵamen úndes eki turǵyn Quryltai depýtattaryn sailaýǵa qatysyp, óz tańdaýyn jasady, dep habarlaidy ult.kz.
Bul týraly Almaty qalasy Óńirlik kommýnikatsiialar qyzmeti málimdedi.
Qurultai Sátkenbaev Bostandyq aýdanyndaǵy №294 sailaý ýchaskesine baryp, daýys berdi. Al Áýezov aýdanyndaǵy №1 mektep-gimnaziiada ornalasqan №140 ýchaskede Quryltai Mansurov azamattyq ustanymyn bildirdi.
Ulttyq statistika biýrosynyń dereginshe, Qazaqstanda Quryltai esimdi 10 adam bar. Onyń altaýy – er adam, tórteýi – áiel. Bul esimniń ieleri eń kóp Shyǵys Qazaqstan oblysynda turady – 4 adam. Almatyda – 2, al Abai, Jambyl, Qaraǵandy jáne Mańǵystaý oblystarynyń árqaisysynda bir adamnan tirkelgen.
Qazir elimiz boiynsha 10 363 sailaý ýchaskesinde daýys berý jalǵasyp jatyr. Sailaýshylar tizimine 12 605 788 azamat engizilgen.
