Aýdandardy aralap, turǵyndarmen kezdesken Baqytjan Saǵyntaev azamattardy jeke qabyldai bastady, dep habarlaidy QazAqparat.
Ákimniń qabyldaýyna 25 adam keldi. Olar ártúrli máseleni kóterdi. Turǵyn úi, jer ýchaskesi, kommýnaldyq jáne áleýmettik problemalardy aitty. Keibir máseleler sol jerde sheshildi.
«Máselelerdiń keibireýleri birden sheshilip jatty. Qosymsha zertteýdi qajet etetin ótinishter de boldy, mektepke jáne kóshege at berý - úkimettik deńgeidegi komissiia sheshimimen ǵana iske asatyn másele. Ár ótinish boiynsha naqtyly jaýaptar ázirlenedi. Oń sheshimin tapqan jaǵdaida oryndalý merzimi men jaýapty adamdardyń aty-jóni kórsetiledi», - dep habarlady ákimdik baspasóz qyzmeti.
Endi azamattardy jeke qabyldaý qala ákimdigi men «Nur Otan» partiiasy filialynyń keńsesinde turaqty ótedi.
Al, turǵyndarmen «erkin mikrofon» formatynda kezdesý ár toqsanda bir ret ótedi dep josparlanýda.
