QR Premer-Ministriniń orynbasary Berdibek Saparbaev Almatyǵa jumys saparymen keldi, dep habarlaidy QazAqparat.
Berdibek Saparbaev ál-Farabi atyndaǵy QazUÝ-degi IT parkti, protsestik innovatsiialar ortalyǵyn, jerdi qashyqtan zondtaý ortalyǵyn aralap kórdi. Oqý ornynyń ókilderi mańyzdy ǵylymi jobalaryn kórsetti.
Atap aitqanda, sóileitin, estitin, kórip, túsine alatyn, sondai-aq suraq qoia alatyn QazBot intellektýaldyq qultemiri tanystyryldy.
Sonymen qatar, vitse-premer Shyǵys oishyly ál-Farabidiń mýzeiin aralap kórdi.
«Bul muralar ál-Farabi Qazaqstan aýmaǵynda týyp, ómir súrgenin dáleldeidi», - dedi ol.
Odan ári «Uly dalanyń jeti qyry» mýzeiimen, sirek kezdesetin jazbalar men kitaptar qorymen, Tuńǵysh Prezident zalymen tanysty.
Búgin vitse-premer ýniversitetterdiń jahandyq sammitine qatyspaq.
