Aýlasyndaǵy qoqysty órtemek bolǵan zeinetker baiqaýsyzda óz úiin, kóligin jáne kórshisiniń garajyn otqa orady, dep habarlaidy "Ult aqparat".
Tótenshe jaǵdai 14 tamyz kúni oryn alǵan.
Almaty qalalyq Tótenshe jaǵdailar departamentiniń «101» pýltine Shýhov kóshesindegi №2 J úiiniń otqa oranǵany týraly habarlama 14 tamyz kúni saǵat 14:30-da tústi. Órt sóndirý brigadasy oqiǵa ornyna birneshe minýtta kelip jetti. Saǵat 15:03 órt oqshaýlanyp, saǵat 15:24-te tolyqtai sóndirildi.
«Órt 100 sharshy metr aýmaqty sharpyǵan.Úidiń shatyry, aýlada turǵan «Toiota» avtokóligi jáne kórshiniń garajy órtengen. Taǵy bir kórshi úidiń qasbeti men shatyryna da ot tigen. Zardap shekkender joq»,- dep habarlady Almaty qalalyq TJD baspasóz qyzmeti.
Úi iesiniń kinási dáleldense, ákimshilik jazaǵa tartylýy múmkin. Qazir osy oqiǵa boiynsha mamandar tekserý jumystaryn júrgizip jatyr.
