Elordalyq politsiia qyzmetkerleri Almatyda tonaýǵa qatysy bar kúdiktini ustady. Tintý kezinde Almaty oblysynyń 20 jastaǵy turǵynynan noýtbýk pen birneshe iPhone uialy telefony tárkilendi, - dep habarlaidy Tengrinews.kz tilshisi qalalyq Politsiia departamentine silteme jasai otyryp.
Politsiia málimetinshe, Almaty oblysynyń 20 jastaǵy turǵyny Nur-Sultanǵa jeke taksimen jetken. Elordaǵa kelgen jas jigit saýda úileriniń birinde Iphone 13 markaly uialy telefonyn ótkizip, 380 myń teńge paida kórgen.
"Jedel-izdestirý is-sharalary barysynda politsiia qyzmetkerleri tonaýǵa qatysy bar kúdiktini Uly Dala dańǵylyndaǵy jaldamaly páterde ustady. Páterdi tintý barysynda NR markaly noýtbýk, Almatydaǵy "Belyi veter" dúkeninen urlanǵan iPhone 11, iPhone 6 markaly uialy telefondary tabylyp, tárkilendi", - delingen habarlamada.
4 qańtarda kúdikti Almatydaǵy kompiýter klýbynda, iaǵni jumys ornynda bolǵany anyqtaldy.
Politsiia málimetinshe, tanysynan jaqyn mańdaǵy "Belyi veter" dúkeni tonalǵanyn bilgen jas jigit qoimaǵa baryp, 4 iPhone 11 jáne iPhone 13 uialy telefonyn jáne NR markaly eki noýtbýkty urlap ketken. Urlyq jasalǵannan keiin kelesi kúni 20 jastaǵy jigit Almatydan elordaǵa ketip qalǵan.
Qazir bul derek boiynsha qylmystyq is qozǵalǵany aityldy. Kúdikti DP ÝUI-ǵa qamaýǵa alynǵan.
Sondai-aq, jedel is-sharalardy ótkizý kezinde satyp alýshy anyqtaldy, odan iPhone 13 uialy telefony alyndy.
Politsiia departamenti azamattardan qundy zattar men tehnika satyp alý týraly kúdikti usynystarǵa saq bolýyn eskertti. Taýarlardy satyp alǵan kezde satýshydan chek nemese kepildik talonyn suraýǵa keńes berildi. Al kúdik týyndaǵan jaǵdaida politsiiaǵa habarlasý kerek ekeni aityldy.
