Almatyda jyl basynan beri memlekettik tapsyrys sheńberinde almatylyqtarǵa qyzmet kórsetken meditsina uiymdaryna 116,5 mlrd teńgeden astam qarjy tólendi. Bul týraly «Áleýmettik meditsinalyq saqtandyrý qory» KEAQ Almaty filialy málimdedi, dep habarlaidy "Ult aqparat".
Baspasóz qyzmeti taratqan aqparatqa súiensek, atalǵan qarajat kepildendirilgen tegin meditsinalyq kómek jáne mindetti meditsinalyq saqtandyrý paketteri sheńberinde kórsetilgen kómek úshin tólengen. Qarjynyń 84,1 mlrd teńgesi – memlekettik tapsyrys negizinde kórsetiletin tegin kómek paketine, 32,4 mlrd teńgesi MÁMS paketine tiesili.
Meditsinalyq saqtandyrý qory 2018 jyldan beri memlekettik biýdjetten qarjylandyrylatyn kepildendirilgen tegin meditsinalyq kómek paketiniń operatory bolyp tabylady. Al, 2020 jyldan bastap Qor mindetti áleýmettik meditsinalyq saqtandyrý sheńberinde kórsetiletin qyzmetterdiń aqysyn tólei bastady.
Esterińizge sala ketsek, Almaty qalasy boiynsha 172 meditsina uiymy Meditsinalyq saqtandyrý qorymen jumys isteidi. Onyń jartysyna jýyǵy nemese 55 paiyzy – jeke menshik klinikalar. Jalpy, 2020 jylǵa tegin kómek paketi sheńberinde bekitilgen kelisimsharttyń jalpy somasy – 141,9 mlrd teńge, MÁMS paketi boiynsha bekitilgen kelisimshart somasy – 51,9 mlrd teńge.
