Almaty turǵyny ony qala karaoke-klýbtarynyń birinde uryp-soǵyp, tunshyqtyrǵanyn málimdedi, - dep habarlaidy Tengrinews.kz.
Oqiǵa 12 qyrkúiekke qaraǵan túni bolǵan. Tóbeleske qatysýshylardyń biri Toǵjan Begalina áleýmettik jelilerde bolǵan oqiǵany aityp berdi. Qyzdyń aitýynsha, sol túni ol dostarymen birge óziniń týǵan kúnin toilaǵan.
"Bir qyz meniń qurbymnyń murnynan urdy. Men odan nege urǵanyn suraý úshin qasyna jaqyndadym. Ol meni bi alańyna otyrǵyzyp ura bastady. Bizdi onyń jigiti ajyratqan kezde, ol ony tynyshtandyryp, meni odan qutqarǵysy kelgen shyǵar dep oiladym. Biraq ol meni qyzymen birge uryp-soǵyp, tunshyqtyrdy. Bul ýaqytta qyzmetkerlerdiń eshqaisysy ajyratýǵa kelmedi. Men sol jerde ólip qala jazdadym. Olardyń meniń nelikten óltirgisi kelgenin bilmeimin", - dedi qyz Instagram-daǵy videoda.
Sondai-aq, qyz politsiiaǵa aryz jazǵanyn aitty. Jábirlenýshi kúdiktiler tarapynan qýdalaýǵa tap bolǵannan beri kúizeliske túskenin aitty.
Qalalyq politsiia departamenti oqiǵa týraly túsinik berdi. Derek Qylmystyq kodekstiń 293-baby "Buzaqylyq" boiynsha sotaldy tergeýdiń biryńǵai tizimine tirkelgen.
"Qylmystyq isti Medeý aýdandyq politsiia basqarmasy tergep jatyr. Alǵashqy tergeý is-sharalarynyń kesheni ótkizildi, kúdiktilerden jaýap alyndy. Qazirgi ýaqytta jábirlenýshi alǵan dene jaraqattarynyń aýyrlyq dárejesin anyqtaý maqsatynda sot-meditsinalyq saraptama taǵaiyndady. Sotqa deiingi tergeý jan-jaqtylyq jáne obektivtilik qaǵidattaryna sai júrgiziledi", - dedi PD baspasóz qyzmeti ókili.
Sondai-aq, tergeý barysy Almaty politsiia departamenti basshylyǵynyń baqylaýynda.
