Video kadry
Almatyda atys shyǵarǵan kúdiktiniń áieli Anaida Demirchian úndeý jasady, - dep habarlaidy Tengrinews.kz.
Áiel adam jaǵdai baqylaýdan shyǵyp ketkenin aitady.
"Men ol kezde úide balalarmen bolǵanmyn. Jedel járdem shaqyrdyq. Bári qalai bolǵanyn bilmeimin. Men kórgen joqpyn. Tek atystyń daýsyn estidim. Biraq sol kezde prokýratýra, kezekshi kelgende ol zań júzinde bárin túsindirgende qylmystyń aldyn alar edi, túsinesizder me? Adamdar zardap shekti. Kúieýim, otbasym zardap shekti. Endi ne bolaryn bilmeimin. Biz zańǵa baǵynatyn azamattar ekenimizdi, prezidentke million ret úndeý jasaǵanymdy búkil álem bilsin. Qazir de úndeý jasaimyn. Qurmetti, Prezident myrza! Siz konstitýtsiia kepilisiz, meniń kámeletke tolmaǵan balalarymdy qorǵańyz. Kishkentai balamnyń júregi aýyrady, keshe ustamasy ustap qaldy. Al sot oryndaýshysyna báribir, ol jedel járdem de shaqyrmady. Bizdiń qyzmetkerlerdiń jemqorlyq pen zańsyz áreketteri týraly memleket te, Prezident, siz de jaqsy bilesiz", - deidi Anaida Demirchian.
Aita keteiik, 20 qyrkúiekte keshke Almatyda atys boldy. 54 jastaǵy er adam úiden shyǵarý týraly sot sheshimin oryndaýǵa kelgen sot oryndaýshysyna, politsiia qyzmetkerlerine jáne aýlada bolǵan ózge eki adamǵa ańshy myltyǵynan oq jaýdyrǵan. Nátijesinde bes adam qaza tapty. Eki politsiia qyzmetkeri, bir jeke sot oryndaýshysy jáne eki turǵyn. Olardyń biri - úidiń jańa iesi, ekinshisi - onyń tanysy.
1967 jyly týǵan kúdikti ustaldy. Ol 20 jylǵa nemese ómir boiyna deiin bas bostandyǵynan aiyrylýy múmkin.
