Qyrǵyzstan taýlarynda alpinisterdi qutqarý operatsiiasy jalǵasýda. Bul týraly Almaty ákimi Saǵyntaev Instagram paraqshasynda jazdy, dep habarlaidy "Ult aqparat".
«Qyrǵyzstan taýlarynda qutqarý operatsiiasy jalǵasýda. QR Qorǵanys ministrliginiń úsh áskeri alpinisi Han Táńiri shyńynan tómen ornalasqan «Qarqara» bazalyq lagerine jetkiziledi. Osy jerden olar «Qazaviaqutqarýdyń» MI-703 (171) tikushaǵymen shekaradan ótetin «Kegen» pýnkti arqyly Qyrǵyzstannyń Ystyqkól oblysyndaǵy Qarakól qalasyna jiberiledi. Qutqarý otriady joǵalǵan alpinister tirkelgen «AK-SAI TRAVEL» týrkompaniiasynyń lagerine barady. Olar qajetti qondyrǵylarmen tolyq jabdyqtalǵan. Qutqarýshylardyń shyńǵa shyǵýda tájiribe jinaqtaǵan naǵyz mamandar ekenin atap ótkim keledi. Topty Maqsut Jumaev basqarýda», - dep jazdy Almaty ákimi.
Esterińizge sala keteiik, osyǵan deiin almatylyq alpinister tobynyń joǵalyp ketip, bireýiniń qaitys bolǵanyn jazǵanbyz.
Keiinirek joǵalǵan alpinisterdiń biriniń qyzy áleýmettik jeli arqyly qalyń kópshilikten kómek surady.
