Almaty qalasynyń ákimi Baqytjan Saǵyntaev japondyq sarapshymen jer silkinisi týraly aldyn-ala eskertý júiesin ornatýdy talqylady, dep habarlaidy "Ult aqparat".
«Biz Challenge Co., Ltd bas direktory Kazýo Sasakimen Almatyda jer silkinisi týraly aldyn-ala habarlaityn júieni ornatý týraly máseleni talqyladyq. Sasaki myrza — seismikalyq qaýipsizdikti qamtamasyz etý salasynyń tanymal sarapshysy, jobanyń seriktesi bolýǵa daiyn. Ol álemdegi neǵurlym seismikalyq qaýipti aimaqtarda qoldanylǵan qondyrǵynyń artyqshylyqtary týraly aitty», - dep jazdy Almaty ákimi Instagram -daǵy paraqshasynda.
Baqytjan Saǵyntaevtyń aitýynsha, Almatydaǵy seismologiia Institýty mamandarynyń málimetine sáikes qalada 25-35 stansa ornatý qajet.
Aita keterligi, qaýipti eskertetin zamanaýi júieler – seismikalyq qaýipti aimaqtarda ornalasqan turǵyndarynyń qaýipsizdigin qamtamasyz etetin keshendi sharalardi ajyramas bóligi.
