Almatydaǵy tanymal «Jas Otaý» neke saraiyn qaita jańǵyrtý jumystary toqtatyldy. Tarihi nysan qaitadan qala ákimdiginiń qaramaǵyna ótti, dep habarlaidy ult.kz.
Almaty ákimdiginiń málimetinshe, buǵan deiin neke saraiy Jar Jar Almaty JShS-niń senimgerlik basqarýyna berilgen.
Alaida kompaniia senimgerlik basqarý sharty boiynsha alǵan mindettemelerin belgilengen merzimde oryndamaǵan. Osyǵan bailanysty basqarma kelisimshartty buzǵan.
«Qazirgi ýaqytta nysandaǵy jóndeý jumystary toqtatyldy», – dep habarlady Almaty ákimdigi.
Eske salaiyq, «Jas Otaý» neke saraiy jeke kompaniianyń senimgerlik basqarýyna 10 jyl merzimge, satyp alý quqyǵynsyz berilgen bolatyn.
Aita keteiik, ǵimarat Almaty qalasynyń sáýlet eskertkishteriniń qataryna jatady.
