Sýret: aviasales.ru
Syrtqy ister ministrliginiń janyndaǵy KazAID qazaqstandyq halyqaralyq damý agenttigi japon ǵalymdaryn Almatydaǵy jer silkinisin zertteýge shaqyryp otyr. Bul týraly vedomstvonyń resmi ókili Aibek Smadiiarov aitty.
«2024 jylǵy 16-19 sáýir aralyǵynda Qazaqstan Respýblikasy Syrtqy ister ministrliginiń janyndaǵy KazAID qazaqstandyq halyqaralyq damý agenttigi Almaty qalasynda seismikalyq qaýipsizdik máseleleri boiynsha japon mamandarynyń qatysýymen arnaiy seminar uiymdastyrady. Is-sharany Japoniianyń JICA halyqaralyq damý agenttigi, qazaqstannyń Qurylys salasyndaǵy ǵylymi zertteý jáne jobalaý institýty, sondai-aq, Tótenshe jaǵdailar jáne tabiǵi apattar qaýpin azaitý ortalyǵy birlesip uiymdastyrady», - dedi ol ministrliktiń baspasóz máslihatynda.
Aibek Smadiiarovtyń sózinshe, Japon mamandary Ortalyq Aziianyń jáne Kavkaz elderiniń ókilderimen seismikalyq qaýipsizdik salasyndaǵy tájribesin bólisip, seismikalyq oqshaýlaý salasyndaǵy ozyq tehnologiialar men standarttar týraly pikir almasyp, seismikalyq qurylystaǵy áleýetti yntymaqtastyqty talqylaidy.
«Sondai-aq, sarapshylar Almaty jáne Noto qalalaryndaǵy sońǵy jer silkinisterin zertteidi. Bul bolashaqta seismikalyq táýekelderdiń aldyn alý strategiialaryn ázirleýge óz septigin tigizedi», - dedi SIM resmi ókili.
