Almatydaǵy Naýryzbai aýdanynda sel júrýine bailanysty dabyl qaǵylyp, qosymsha tórt júz politsei jumysqa kiristi. Tártip saqshylary óz mindetin atqarýmen qatar, turǵyndardy qaýipsiz jerge kóshirýge atsalysty.
"Politsiia qyzmetkerleriniń basty mindeti – azamattardyń qaýipsizdigin qamtamasyz etý, qorshaý, kólikterdi alyp ketý, qaýipsiz jerge evakýatsiialaý jáne halyqty habardar etý", - dep atap ótti Almatynyń politsiia departamenti bastyǵynyń orynbasary Izbasar Bekturov.
Onyń aitýynsha, jaǵdaidy baqylaýda ustaý úshin, politsiianyń syrtqy kúshteri – patrýl ekipajdary ǵana emes, ýchaskelik inspektorlar, arnaiy batalon jasaǵy, aýdandardyń jedel tergeý toptary jumyldyryldy.
Sondai-aq Bekturov habarlaǵandai, ishki ister ministri Erlan Turǵymbaevtyń nusqaýymen Ulttyq ulan sarbazdary seldiń saldaryn joiýǵa daiyn tur.
