Gorkii atyndaǵy ortalyq mádeniet jáne demalys saiabaǵy mańynda Abai atyndaǵy Qazaq ulttyq pedagogikalyq ýniversitetiniń stýdenterine arnalǵan jataqhana salynbaityn boldy. Bul týraly qalalyq ákimdik málim etti, dep habarlaidy "Ult aqparat".
«Jataqhana salynbaityn boldy. Qurylys toqtatyldy. Biz basqa jer ýchaskesin qarastyryp jatyrmyz», - dedi qala ákiminiń orynbasary Erjan Babaqumarov.
Óz kezeginde, qalalyq jasyl ekonomika basqarmasy Medeý aýdany Gorkii saiabaǵyndaǵy stýdentterge arnalǵan jataqhana qurylysy boiynsha 1 naýryzǵa josparlanǵan qoǵamdyq tyńdaýdyń ótpeitinin habarlady.
Buǵan deiin, ortalyq saiabaqta 327 stýdentti baspanamen qamtityn jataqhana boi kóteretini týraly aitylǵan bolatyn.
Qazirgi ýaqytta Abai atyndaǵy QazUPÝ-de 13 myńnan astam adam oqidy, onyń ishinde 10 780 syrttan qatynaidy. Jalpy, 3 myńnan astam stýdent jataqhanaǵa muqtaj.
