video kadry
Almatydaǵy hostelderdiń birinde órt shyqty. Saldarynan 13 adam qaza taýyp, 3 adam aýrýhanaǵa jetkizildi. Hostelde turǵan Arsen Asaýbekov oqiǵa qalai bolǵanyn aityp berdi, - dep habarlaidy Massaget.kz.
Arsen - stýdent, qazirgi tańda Qostanai qalasynda oqyp jatyr. 13 jeltoqsanda bastalatyn emtihanǵa deiin osynda bolýdy josparlaǵan.
"Negizi tańǵy 4-5-te uiyqtap qalatynbyz. Búgin odan erterek 2-de uiyqtadyq. Qulap qalǵan ekenmin, meni oiatty. Artymyzdan iterip, eńkeiip dalaǵa shyqtyq. Dáliz túgeldei janyp jatty. Qatty shoshyp kettim, ne bolǵanyn bilmedim. Bir bólmede 5-6 adam boldyq. Qasymdaǵy 15 jastaǵy bala qaitys boldy", - dedi ol.
Onyń aitýynsha, barlyq qujaty telefonda qalǵan.
"2-3 kún ishinde biz matrastardy tómenge túsirýge kómektestik. 15-16 bólmede matrastar bolǵan. Solar janyp ketken siiaqty, naqty bilmeimin. Biz 0-qabatta boldyq. 0-qabatqa túskende sol jaqta as úi, 1-bólme jáne holl, 2-bólmede men turdym. Odan keiin shyǵatyn dáliz edi. Arǵy jaǵyndaǵy basqa bólmede de adamdar boldy. Biraq olarǵa shyǵýǵa múmkindik bolmady. Meni oiatqan boida birden dalaǵa shyqtym. Qolymda eshteńe bolmady. Ishkiimmen atyp shyqqan edim. Kiimderdi osy jaqtaǵylar berdi. Qujattarymnyń bári telefonda edi. Telefonym ishte qaldy", - dedi ol.
Eske sala keteiik, 30 qarashada tańerteń Almatyda Ádi Sháripov kóshesindegi hostelde órt shyǵyp, aldyn ala málimet boiynsha 13 adam qaza tapty.
