Almatyda kinoteatrlar 17 sáýirden bastap ashylady. Bul týraly qalalyq sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabylov málim etti, dep habarlaidy "Ult aqparat".
«Qyzyl» aimaq jaǵdaiynda kinoteatrlarǵa kelýshilerdiń QR-kody «bilet kassalary» aimaǵyna kireberiste skanerlenetin bolady. «Qyzyl» nemese «sary» statýs anyqtalǵan jaǵdaida aldyn ala satyp alynǵan bilet qaitarylady. «Kinoteatrlarda bes jasqa deiingi balalar QR-kodty skanerleýden bosatylady, iaǵni olardyń belgisi «jasyl». Keiinirek balalar arasynda COVID-19 juqtyrý derekterin eskere otyryp jasty qaita qarastyramyz», - dep túsindirdi Sádýaqas Baiǵabylov.
Onyń aitýynsha, «Ashyg» jobasymen 15 sáýirde koronavirýs juqtyrǵan 24 almatylyq fitnes, bassein, boýling jáne kompiýterlik klýbtarǵa kirgizilmegen.
Sonymen qatar, ol «qyzyl» (aýyryp júrgen jáne «sary» (bailanysta) bolǵan almatylyqtar, COVID-19 juqtyryp, aýrýy simptomsyz ne jeńil ótip jatqan adamdar 14 kúndik oqshaýlanýdy saqtamaitynyn atap ótti.
Aita keteiik, 9-15 sáýir aralyǵynda 235 almatylyq «Ashyq» ótýge tyrysyp, mekemege kirmek bolǵan.
Onyń ishinde 211 almatylyqta «qyzyl», 24-de «sary» belgi bolǵan.
