Almatyda basseinderdi ashý máselesi jaqyn arada qaralady. Bul týraly onlain-brifing barysynda qalanyń bas memlekettik sanitar dárigeri Jandarbek Bekshin aitty, dep habarlaidy "Ult aqparat".
«Búginnen bastap monshalar men saýnalar jumys istei bastady. Basseinder ekinshi kezeńde ashylady, óitkeni onda adamdar kóp bolady. Jalpy basseindegi sýdyń quramynda dezinfektsiialyq zat bar. Biz qazirdiń ózinde basseinge qoiylatyn talaptardy ázirlep jatyrmyz. Taiaý ýaqytta ashylyp qalar», - dedi ol.
Sonymen qatar ol, monshaǵa kelýshilerdiń áleýmettik qashyqtyqty saqtap, mindetti túrde maska taǵý kerektigin eskertti.
«Qyzmetkerler de maska taǵyp, qolǵappen jumys isteýi kerek. Demalys bólmeleri sanitaizermen qamtamasyz etilip , jeldetý rejimi kúsheitilýi tiis», - dep tolyqtyrdy J.Bekshin.
