Qazaqstan Prezidenti Qasym-Jomart Toqaev Mańǵystaý oblysynyń áleýmettik-ekonomikalyq damýy jónindegi keńeste Almatydaǵy atysqa bailanysty pikir bildirdi, dep habarlaidy "Ult aqparat".
«Qoǵamda rezonans týdyrǵan Almatyda taiaýda oryn alǵan qaiǵyly oqiǵaǵa jeke toqtalǵym keledi. Qaza tapqandardyń týǵan-týystary men jaqyndaryna taǵy da kóńil aitamyn. Politsiia qyzmetkerleri men sot oryndaýshysy ózderiniń qyzmettik boryshyn atqardy. Ókinishke orai ózderine shabýyl saldarynan qaza tapty. Adam óltirýdi onyń qandai da bir sebebi bolsa da aqtaýǵa bolmaidy. Órkenietti qoǵamdy mundai sipattaǵy kez kelgen daý men problema tek qana quqyqtyq alańda sheshilýi tiis. Buǵan qosa, oryn alǵan qaiǵyly jaittyń mán-jaiyn tyńǵylyqty ashý kerek. Bul - sózsiz, tragediia. Mundai jait nelikten oryn alǵanyn anyqtaý qajet. Kreditorlar men problemaly zaemshylar arasyndaǵy ásirese turǵyn úige qatysty qarym-qatynas óte názik. Muny bilemiz ári zańdyq jetildirýdi talap etedi», - dedi Memleket basshysy Mańǵystaý oblysynyń áleýmettik-ekonomikalyq damýy jónindegi keńes barysynda.
Prezident munyń bankterdiń kepil saiasatyna, baǵalaý qyzmetin jetildirýge, jeke sot oryndaýshylardyń júmysyna jáne ózge de aspektilerge qatysty ekendigin atap ótti. Bul máselede ashyq jáne biryńǵai sot tájiribesin qamtamasyz etý mańyzdy ekendigine basa nazar aýdartty.
«Úkimetke, Ulttyq bankke jáne Qarjylyq retteý agenttigine bir ai merzimniń ishinde zańnamalyq jáne normativtik túzetiler toptamasyn daiyndaý tiis. Taǵy da qaitalap aitamyn, eger oǵan qajettilik bolsa. Degenmen men mundai qajettilik týyndap otyr dep sanaimyn. Biraq mamandar bul problemany taǵy da bir márte tyńǵylyqty zerdeleýi tiis. Sonymen qatar Úkimet pen Almaty ákimdigi qaiǵyly oqiǵadan zardap shekkenderdiń barlyǵyna, birinshi kezekte balalarǵa qoldaý kórsetýi qajet.
Balalardyń eshqandai kinási joq. Olar qoǵamdaǵy nemquraidylyq pen quqyqtyq negilizmniń qurbany boldy. Balalar qoǵamymyzdyń ádildigine degen senimmen óskeni mańyzdy. Túzetýler, eger olar daiyn bolsa, Úkimet, mamandar muqiiat zerdelep, jurtshylyqpen kelisilip, kelesi jyldyń basynan bastap kúshine enýi kerek», - dedi Qasym-Jomart Toqaev.
