Almaty qalalyq politsiia departamentiniń bastyǵy Qanat Taimerdenov atys kezinde qaitys bolǵan besinshi adam týraly aitty, dep habarlaidy "Ult aqparat".
"Besinshi adam - úidi satyp alǵan kisiniń tanysy. Ol kýáger retinde birge kelgen", - dedi Taimerdenov arnaiy brifingte.
Aita keteiik, 20 qyrkúiekte keshke Almatyda atys boldy. 54 jastaǵy er adam úiden shyǵarý týraly sot sheshimin oryndaýǵa kelgen sot oryndaýshysyna, politsiia qyzmetkerlerine jáne aýlada bolǵan ózge eki adamǵa ańshy myltyǵynan oq jaýdyrǵan. Nátijesinde bes adam qaza tapty. Eki politsiia qyzmetkeri, bir jeke sot oryndaýshysy jáne eki turǵyn. Olardyń biri - úidiń jańa iesi, ekinshisi - onyń tanysy.
1967 jyly týǵan kúdikti ustaldy. Ol 20 jylǵa nemese ómir boiyna deiin bas bostandyǵynan aiyrylýy múmkin.
