Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

Almatydaǵy atys: qarjy retteýshisi oqiǵaǵa qatysty pikir bildirdi

Ult portaly
Almatydaǵy atys: qarjy retteýshisi oqiǵaǵa qatysty pikir bildirdi

Foto: Tengrinews.kz/Álihan Sariev

Qarjy naryǵyn retteý jáne damytý agenttigi Almatydaǵy atysqa qatysty alǵash ret pikir bildirdi. Oqiǵa kezinde bes adam qaza tapty, - dep habarlaidy Tengrinews.kz.

Agenttik olarǵa atqyshtyń áieli Anaida Demirchiannan biyl mamyr jáne shildede eki ótinish túskenin málim etti. Agenttik tekserý júrgizgen.

"Biyl maýsymda agenttik tiisti aqparat pen qujattardy talap ete otyryp, bankke qujattyq tekserý júrgizdi. Tekserý nátijeleri boiynsha ótinish berýshi 2012 jylǵy tamyzdan bastap qaryz boiynsha mindettemelerdi oryndaýdy toqtatqan zańdy tulǵaǵa bank bergen qaryz boiynsha ortaq kepil berýshi ekeni anyqtaldy. Osyǵan bailanysty bank boryshkerden bereshekti sot tártibimen óndirip alý týraly sheshim shyǵarǵan. 2013 jyldan bastap 2015 jylǵa deiingi kezeńde banktiń zańdy tulǵa men Demirchianǵa (kepil berýshi) Almaty qalasynyń aýdandyq sottarynyń sheshimimen bereshekti óndirip alý týraly talap aryzdary qanaǵattandyryldy", - delinegn agenttiktiń redaktsiiaǵa bergen resmi jaýabynda.

Sondai-aq, sot júiesi jáne sýdialardyń mártebesi týraly zańǵa sáikes memlekettik organdardyń sot talqylaýy sheńberinde qaralǵan nemese qaralatyn máseleler boiynsha aralasýǵa jáne sharalar qabyldaýǵa quqyǵy joq ekenin túsindirdi.

"Demirchiannyń ótinishterinde kórsetilgen máseleler boiynsha sot sheshimderi bar, sondyqtan agenttiktiń sot sheshimderin qaita qaraýǵa nemese sot júiesine basqasha aralasýǵa, is-áreketterge baǵa berýge nemese sot protsesine qatysýshylardyń is-áreketterine túsinikteme berýge quqyǵy joq. Qazirgi ýaqytta atqarýshylyq is júrgizý salasyndaǵy ýákiletti organ Ádilet ministrligi sanalady. Osyǵan bailanysty agenttik ótinishterde baiandalǵan máselelerdi sheshý úshin Demirchianǵa Ádilet ministrligine júginýdi usyndy", - dedi agenttik ókilderi.

Agenttik olar ótinish berýshiniń atynan bankke problemalyq qaryzdy qaita qurylymdaý týraly ótinish bergenin aitty.

"Agenttiktiń usynymyn oryndaý úshin bank Demirchianǵa mindettemelerdi erikti túrde oryndaý jáne boryshtyń qaldyǵyn teń úlestermen tólei otyryp, bereshektiń keminde 10 paiyzyn engizý týraly kelisim jasasýdy usyndy. Banktiń aqparaty boiynsha, Demirchian qaryzdy retteýdiń osy nusqasyn qoldanbaǵan", - delingen qarjy retteýshisi jaýabynda.

Sondai-aq, agenttik bank múlikti eki ese tómen baǵalady degen jaǵdaiǵa qatysty pikir bildirdi.

"Aýdandyq sottyń sheshiminde aýktsionda kepilge berilgen jyljymaityn múlikti satýdyń bastapqy baǵasy 184,6 million teńge deńgeiinde belgilendi. Saýda-sattyqty jeke sot oryndaýshysy 2017 jylǵy naýryz jáne sáýirde ótkizdi, biraq áleýetti satyp alýshylar bolmaýyna bailanysty satý bolmady. Saýda-sattyq ótkizilmegendikten, turǵyn emes úi-jai tyiym salynǵan múlikti ótkizý qaǵidalarynda kózdelgen tártippen kepilge berilgen jyljymaityn múliktiń bastapqy satý qunynyń 48 paiyzyna satý baǵasyn tómendete otyryp, "Bank TsentrKredit" AQ-tyń menshigine ótti. Osyǵan bailanysty Baǵanaly shaǵyn aýdanyndaǵy turǵyn emes úi-jaidy "Bank TsentrKredit" AQ 96 million teńge baǵamen satyp aldy", - dedi agenttik ókilderi.

Agenttik jaǵdaidyń qaitalanýyna jol bermeý úshin oqiǵanyń sebepterin zertteýdi josparlap otyr ma degen suraqqa uiym bul baǵytta jumys istep jatqanyn habarlady. Kepilge qoiylǵan jyljymaityn múlikti satýǵa, sondai-aq azamattardy turǵyn úiden shyǵarýǵa bailanysty qatynastar ártúrli zańnamalyq jáne normativtik quqyqtyq aktilermen, onyń ishinde Azamattyq kodekspen, Azamattyq is júrgizý kodeksimen, atqarýshylyq is júrgizý, turǵyn úi qatynastary, jyljymaityn múlik ipotekasy týraly zańdarmen, sondai-aq normativtik Ádilet aktilerimen retteledi.

Eske salaiyq, oqiǵa 20 qyrkúiekte keshke bolǵan, shamamen saǵat 17.20-da Aqbulaq shaǵynaýdanyndaǵy úi iesiniń biri ańshy myltyǵynan oq atqan. Kýágerlerdiń aitýynsha, atys bir minýt ishinde bolǵan.

Almatylyq atqysh bes adamdy óltirdi. Qaza bolǵandar arasynda eki politsiia qyzmetkeri, sot oryndaýshysy, sondai-aq úidiń jańa iesi men kýáger bar.

Politseiler bes adamdy atyp óltirgen kúdiktini ustady. Ol - 1997 jyldan beri osy jerde turatyn 54 jastaǵy úidiń qazirgi iesi. Onyń kinási dáleldense, er adam 20 jylǵa nemese ómir boiyna bas bostandyǵynan aiyrylýy múmkin.

Keiin úige qatysty daý nesie tólemegendikten týyndaǵany belgili boldy. Úi bankke kepilge alynǵan. Keiin úi bank menshigine ótip, odan keiin jeke adamǵa satylǵan. Jeke sot oryndaýshylar palatasy boryshkerge úidi bosatý keregin 2020 jyldan beri birneshe ret habarlanǵany aityldy.

Osy oqiǵadan keiin Qarjy naryǵyn retteý jáne damytý agenttigi (QNRDA), Almaty ákimdigi, bank ombýdsmany, bankter jáne qoǵamdyq birlestikter arasynda ipotekalyq qaryzdar boiynsha jalǵyz turǵyn úidi satýdy jáne odan halyqtyń áleýmettik osal toptaryn shyǵarýdy toqtata turatyn ózara túsinistik pen yntymaqtastyq týraly memorandýmǵa qol qoiyldy.

Oqi otyryńyz