Almatylyq Igor Dýjnov bes adamdy atyp óltirýine sebep bolǵan úidiń kimge beriletini belgili, - dep habarlaidy Tengrinews.kz tilshisi Jetinshi arnanyń "Stýdiia 7" jobasyna silteme jasap.
Sot oryndaýshylarynyń aitýynsha, eshkim áli úiden adamdardy shyǵarý týraly sheshimin ózgertken joq. Sondyqtan bul qujat áli de qaralyp jatyr. 20 qyrkúiekte bolǵan qaiǵyly jaǵdaiǵa bailanysty is basqa sot oryndaýshysyna berildi.
"Jańa sot oryndaýshysy bárin jalǵastyrady, iaǵni is júrgizý jalǵasa beredi. Biraq biz zańdy mirasqor kelgenshe kútemiz, bul talap qoiýshynyń, iaǵni marqumnyń jaqyn týystary", - dedi Almaty qalasy jeke sot oryndaýshylar palatasy basshysy orynbasary Rýslan Isaev.
Basylymnyń málimetinshe, tutqyndalǵan Igor Dýjnovtyń otbasy sol úide turady. Qystyń bastalýyna orai kóshirý keiinge qaldyrylatyny aityldy, óitkeni sýyq mezgilde adamdardy úiden shyǵarý zańda ruqsat etilmegen.
Eske salaiyq, 20 qyrkúiek kúni keshki saǵat 17.20 shamasynda Aqbulaq yqsham aýdanyndaǵy úilerdiń biriniń iesi Igor Dýjnov ańshy myltyǵynan oq atqan. Ol sot sheshimin oryndaýǵa kelgen adamdarǵa oq jaýdyrdy. Oqiǵa saldarynan almatylyq "atqysh" bes adamdy óltirdi. Qaza bolǵandardyń arasynda eki politsiia qyzmetkeri men sot oryndaýshysy, sondai-aq, úidiń jańa iesi men kýáger bar. Keiin Dýjnov eki aiǵa qamaýǵa alyndy.
Bul úige qatysty daý nesie tólemegendikten týyndaǵan. Ol bankten múliktiń qaýipsizdigi úshin alynǵan. Osydan keiin úi qarjy institýty menshigine ótti, sodan keiin jeke adamǵa satyldy. Jeke sot oryndaýshylar palatasy boryshkerge úidi bosatý keregin 2020 jyldan beri birneshe ret habarlaǵanyn atap ótti.
