Ál-Farabi dańǵylyndaǵy eń erekshe joba - botanikalyq baq pen jotalarda salynatyn jańa saiabaqty bailanystyratyn jasyl kópir. Bul týraly Almaty ákimdiginiń 2022 jylǵa deiingi damý jónindegi jańa tanystyrylymynda aityldy, dep habarlaidy "Ult aqparat".
Ákimdik málimetine súiensek, jaiaý júrginshiler kópiri jasyl jelekti qalyptastyratyn qaladaǵy jańa simvolǵa ainalady. Kópir baqtyń jalǵasy bolady. Onyń uzyndyǵy - 350 metr, al jaiaý júrý baǵyty - shamamen bir shaqyrym.
«Qalanyń ózindik ereksheligin qalyptastyratyn jańa biregei usynys bar. 2010 jyly ál-Farabi dańǵylynyń joǵary jaǵynda sport kesheni salyndy. Sport kesheniniń janynda Esentai ózeni, botanikalyq baq, ýniversitet, dúkender, biznes ortalyqtar, klasterler siiaqty mańyzdy nysandar ornalasqan. Sol sebepti, sport kesheni aýmaǵynda jańa rekreatsiialyq aimaq qurý usynylady. Bul aimaq shamamen 60 gektardy quraidy», - dep atap ótti qalalyq jasyl ekonomika basqarmasynyń basshysy Natalia Livinskaia.
Jańa qoǵamdyq keńistikterdi jobalaý osy jyldyń sońyna deiin, iske asyrý kelesi jylǵa josparlanǵan.
Ál-Farabi dańǵylymen birge Esentai ózeniniń kórinisi de ózgeredi. Munda kópir astyndaǵy keńistikti jáne jaǵalaý aimaǵyn abattandyratyn parkýr ornyn qurý josparlanǵan.
Ákimdiktiń aldynda Úlken Almaty ózeni arnasyn abattandyrý boiynsha mańyzdy josparlar tur.
