Almatydaǵy ál-Farabi atyndaǵy Qazaq ulttyq ýniversitetiniń himiia fakýlteti ǵimaratynyń jertólesinen órt shyqty, dep habarlaidy "Ult aqparat".
«Almaty qalalyq Tótenshe jaǵdailar departamentiniń «101» pýltine 13:31 Bostandyq aýdany, ál-Farabi dańǵyly, 71 mekenjaiy boiynsha jertóleden shyqqan tútin týraly habarlama tústi. Órt sóndirýshiler 13:41-de Qazaq ulttyq ýniversitetiniń himiia fakýltetiniń 5 qabatty ǵimaratynyń jertólesinen shyqqan tútindi anyqtady. Ákimshiliktiń habarlaýynsha, jertólede syrlaý jáne keńse taýarlary saqtalady. Esikti buzyp ashý qajet boldy. Qaita qalpyna keltirý jumystary júrgizilip jatyr»,- dep habarlaidy TJD baspasóz qyzmeti.
