Almaty qalasy SEBD basshysynyń orynbasary Sádýaqas Baiǵabylovtyń aitýynsha, oiyn-saýyq mekemeleriniń ieleri ákimshilik jaýapkershilikten jáne iri aiyppuldan jaltarý úshin jeke adamdarǵa nemese ár túrli jeke kásipkerlerge ǵimaratty jalǵa beredi.
"Royal Tulip Almaty-da karantin talaptaryn buzý deregi boiynsha ákimshilik is júrgizýdi qaraý barysynda uiymdastyrýshy "Kýltasov E.M." JK, oǵan Royal Tulip Almaty shart boiynsha jazǵy tamaqtaný alańyn (kafesin) jalǵa bergeni anyqtaldy", - dedi Baiǵabylov.
Is-sharany ótkizgen jeke kásipkerge QR ÁQBtK-niń 425-baby "Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzǵany úshin" boiynsha hattama jasaldy. Aiyppul somasy 230 AEK (670 myń teńge) bolýy múmkin.
Sondai-aq, Baiǵabylov is-sharaǵa qatysýshylar materialdarǵa qarai anyqtalatynyn aitty. Ázirge qonaqúi menedjeri, ánshi Lýina men onyń jubaiyna, ánshi Búrkitke 30 AEK (shamamen 87 myń teńge) kóleminde hattamalar toltyrylǵan.
Aita keteiik, buǵan deiin Instagram qoldanýshylary qazaqstandyq shoý-biznes pen kino ókilderi jariialaǵan sharaǵa erekshe nazar aýdarǵany habarlanǵan bolatyn. Almatyda reseilik fastfýd meiramhanalar jelisiniń ashylýy bolǵan. Oqiǵa 8 tamyzda Royal Tulip qonaqúiiniń mańynda boldy.
Keiin áleýmettik jelilerde oqiǵadan túsirilgen sýretter men videolar paida boldy. Kadrlardan jiynda Lýina, Lido, Tamara Asar jáne Aidana Medenova, rejisser Aqan Sataev, aktrisa Rano Ýmarova, júrgizýshi Kirill Meister, prodiýser Álisher Nurjanov, vainerler Meiirjan Tórebaev pen Dana Eseeva jáne t.b. tanymal adamdar bolǵany kórinedi. Jinalǵandar áleýmettik araqashyqtyqty buzyp, maska taqpai júrgen.
