Qazirgi ýaqytta Almaty qalasynda jiti respiratorly vrýsty infektsiiaǵa (JRVI) qatysty epidemiologiialyq jaǵdaiy turaqty.
Bul týraly onlain brifingte Almaty qalasynyń bas memlekettik sanitarlyq dárigeri Jandarbek Bekshin aitty, dep habarlaidy QazAqparat.
«Epidemiialyq maýsym bastalǵannan beri iaǵni, 2019 jyldyń 1 qazanynan 2020 jyldyń 30 qyrkúiegine deiin JRVI juqtyrýdyń 85975 jaǵdaiy tirkeldi. Syrqattaný deńgeii 4421,24 qurady, bul ótken epidemiialyq maýsymnyń kezeńimen salystyrǵanda 3,6% tómen. 14 jasqa deiingi balalar arasynda ósim 48478 jaǵdaidy qurady, olardyń úlesi 56,4% qurady, bul aldyńǵy epidemiialyq kezeńdermen salystyrǵanda 8% tómen (2018-2019 epidemiologiialyq maýsymda, balalar arasynda 54 548 jaǵdai -64,4%», – dedi Jandarbek Bekshin.
Júkti áielder arasynda jiti respiratorlyq virýstyq infektsiianyń 856 (0,9%) jaǵdaiy tirkeldi, ótken epidemiialyq maýsymda 750 (0,88%) jaǵdai bolǵan. Is júzinde, olardyń qurylymdyq úlesi 1% -ke deiin iaǵni, teń dárejede.
«JRVI-men aýyrǵan 11852 naýqas aýrýhanaǵa jatqyzyldy, onyń 656-sy júkti, 1 jasqa deiingi balalar - 5064 (ótken epidemiialyq maýsymda 13585 aýrýhanaǵa jatqyzyldy, onyń 1100-i júkti, 6098-i 1 jasqa deiingi balalar», – dedi ol.
Jyl saiyn jergilikti biýdjet esebinen qaýip tobyndaǵy adamdarǵa vaktsinatsiia jasalady. Osy jyly qaýip tobyna Reseiden 130 000 doza kóleminde shyǵarylǵan úsh valentti «Grippol Pliýs» vaktsinasy satyp alyndy. 300 000 dozaǵa qosymsha tapsyrys berildi, onyń 186 myń dozasy kelip tústi.
«Qalada tumaýǵa qarsy vaktsinatsiia 10 qyrkúiekte bastaldy, 2020 jyldyń 30 qyrkúiegindegi jaǵdai boiynsha tek 122 669 adam vaktsinatsiialandy, bul qalanyń jalpy halqynyń 6,1% quraidy, onyń 116 935-i (89,9%) «qaýip tobyna» kiredi. Onyń ishinde densaýlyq saqtaý qyzmetkerleri - 24866, on tórt jasqa deiingi balalar - 21101, júkti áielder - 6192, sozylmaly aýrýlary bar adamdar - 98573, balalar úii, qarttar úii siiaqty jabyq mekemeler kontingenti – 3019», – dep atap ótti Jandarbek Bekshin.
Jeke meditsinalyq ortalyqtarda tek 5734 adam vaktsinatsiialandy, onyń ishinde 1342 adam jumys berýshiler esebinen, 4392 adam óz qarajattaryna ekpe saldyrdy.
