Foto: Almaty ákimdiginiń baspasóz qyzmeti
Almatyda qoǵamdyq kólikte er adamnyń oǵash áreketteri túsirilgen video áleýmettik jelide tarap, qoǵam nazaryn aýdardy. Qazir bul derek boiynsha politsiia tekserý júrgizip jatyr, dep habarlaidy Ult.kz.
Kýágerler taratqan beinejazbada №95 baǵyttaǵy avtobýsta er adamnyń kámeletke tolmaǵan qyzdyń qasynda turyp, orynsyz qylyqtar tanytqany aitylǵan. Videony jariialaǵandar bul jaǵdai jolaýshyny qatty shoshytqanyn habarlaidy.
Almaty qalalyq politsiia departamentiniń málimetinshe, oqiǵanyń naqty qai jerde jáne qashan bolǵany, sondai-aq kúdikti tulǵanyń kim ekeni anyqtalýda.
«Barlyq mán-jai tolyq tekserilip jatyr. Tekserý nátijesine sáikes quqyq buzýshy zań aiasynda jaýapkershilikke tartylady», – dep habarlady vedomstvo ókilderi.
Sondai-aq politsiia qoǵamdyq kóliktegi mundai áreketter tártip pen qaýipsizdik talaptaryn óreskel buzatynyn eskertip, oǵan jol berilmeitinin málimdedi.
