Foto: Viktor Fediýnin/ Kazinform
Almaty volonterleri 12 mamyr kúni joǵalǵan 22 jastaǵy jigittiń denesi tabylǵanyn áleýmettik jelide habarlady.
Jazbada 2002 jylǵy azamattyń 12 mamyr kúni Medeý aýdany, Dýman yqsham aýdany, QR Táýelsizdigine on jyl kóshesindegi úiinen shyǵyp qaityp oralmaǵany jazylǵan. Sondai-aq atalmysh habarlamada almatylyq jigittiń denesi 18 mamyr kúni tabylǵany habarlanǵan.
Aitylǵan jaǵdaiǵa bailanysty Almaty qalalyq politsiia Departamenti qylmystyq is qozǵady.
«Úiinen shyǵyp ketip, qaityp oralmaǵan er adamnyń máiiti tabylý deregi boiynsha qylmystyq is qozǵaldy. Denesinde zorlyq-zombylyq belgileri joq. Tergeý júrgizilýde, sot-meditsinalyq saraptama taǵaiyndaldy», – dep habarlady Almaty qalasy Politsiia departamentiniń baspasóz qyzmeti.
