Almatydaǵy jihaz tsehtarynyń birinen órt shyqty.
17 qyrkúiek kúni túske qarai Almaty qalasynyń Jetisý aýdanynda jihaz tsehynyń qoimasy órtendi.
"Saǵat 11:57-de Almaty qalasy "101" kezekshi bólimine jihaz tsehynan órt shyqqany týraly habarlama kelip tústi. Alǵashqy órt sóndirý toptary saǵat 12:07-de kelgen kezde, jihaz tsehynyń qoimasy janyp jatqany jáne jalynnyń óndiristik tsehqa taralý qaýpi tóngeni anyqtaldy", - dep jazylǵan Almaty qalasy tótenshe jaǵdailar departamenti baspasóz qyzmetiniń habarlamasynda.
Oqiǵa ornyna jiyrma tehnika men jeke quramnyń 60 adamy keldi.
40 minýt ishinde ashyq jalyn sóndirildi. Qazir órt sóndirýshiler qaita tutanyp ketpeý úshin konstrýktsiialarǵa sý shashyp jatyr. Órttiń sebepteri, onyń aýdany jáne órtten kelgen zalal órt-tehnikalyq saraptamadan keiin anyqtalady.
Órt sóndirilgen soń jihaz tsehynan áiel adamnyń denesi tabyldy.
